В условиях, когда невозможно принять личное участие в Пасхальной службе, мирянам подобает самостоятельно дома совершить Пасхальное Богослужение мирским чином. Дом каждого христианина, как и его семья, является малой церковью.
Итак, без всякой воды, приступим.
Конечно, не имея преждеосвящённых даров, причаститься мирянину самостоятельно Тайн Святых невозможно. Поэтому, полностью воспроизвести Божественную Литургию дома, в отсутствии священника не получится. Но и такая, упрощённая служба, приятна Богу, в этом нет сомнения!
Богослужения мирянским чином
Служба на Святую Пасху
1. В особых случаях, вместо исповеди можно почитать чин скитского покаяния. Это очень желательно сделать в качестве вступления к Службе. Ещё, если есть силы и время, почитайте Покаянный канон инока. Или же, более краткий вариант, более привычный нам по опыту общей исповеди, полная исповедь дома. Можно, непосредственно, перед чтением самой молитвы полной исповеди или собственной частной исповедью, помолиться любимому святому перед его иконой (поставьте рядом с иконами Господа нашего и Божьёй Матери) и попросить быть свидетелем исповедания грехов Богу нашему. В конце исповеди, попросите святого разрешить вас от всех исповеданных грехов, властью, данной ему Господом нашим Иисусом Христом. Рекомендую этот вариант исповеди.
Совет. Помолитесь покаянным каноном инока (см. выше по ссылке), Затем прочтите Полную исповедь, освежая в памяти грехи свои, и закончите, своею покаянной молитвой с призыванием в исповедники одного из святых, имевших при жизни сан иерея (иеромонаха, митрополита, архиепископа, епископа и т.д.). Святые слышат наши молитвы и никогда не откажут нам. Попросите в молитве, святого или нескольких святых, принять участие в вашем домашнем пасхальном служении. Помните, что в исключительных случаях и ангелы святые могут причастить Тайн Святых.
2. Пасхальная заутреня
3. Часы Святой Пасхи и всей Светлой седмицы
4. Пасхальная обедница
Cтихира, глас 6
Воскресение Твое Христе Спасе Ангели поют на небесех, и нас на земли сподоби чистым сердцем Тебе славити.
(Эту стихиру поем перед дверьми около полуночи)
Старший возглашает:
Молитвами святых отец наших, Господи Иисусе Христе, помилуй нас.
Братия:
Аминь.
Старший вместе с братией поют тропарь:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший:
Да воскреснет Бог и расточатся врази Его: и да бежат от лица Его ненавидящии Его.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Яко исчезает дым да исчезнут, яко тает воск от лица огня.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Тако да погибнут грешницы от лица Божия, а праведницы да возвеселятся.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Сей день, егоже сотвори Господь, возрадуемся и возвеселимся вонь.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Слава Отцу и Сыну и Святому Духу
Братия:
Христос воскресе из мертвых, смертию смерть поправ, и сущим во гробех живот даровав.
Старший:
И ныне и присно и во веки веков, аминь.
Братия:
Христос воскресе из мертвых, смертию смерть поправ, и сущим во гробех живот даровав.
Старший поет высшим гласом:
Христос воскресе из мертвых, смертию смерть поправ.
Братия:
И сущим во гробех живот даровав.
Вместо великой ектинии все поют:
Христос воскресе из мертвых, смертию смерть поправ, и сущим во гробех живот даровав.
(12 раз).
Пасхальный Канон
творение Иоанна Дамаскина, глас 1
Песнь 1-я.
Ирмос:
Воскресения день, просветимся людие: Пасха, Господня Пасха! От смерти бо к жизни, и от земли к Небеси, Христос Бог нас преведе, победную поющия.
Братия:
Христос воскресе из мертвых, смертию смерть поправ, и сущим во гробех живот даровав.
Очистим чувствия, и узрим неприступным светом воскресения Христа блистающася, и радуйтеся рекуща ясно да услышим, победную поюще.
Братия:
Христос воскресе из мертвых, смертию смерть поправ, и сущим во гробех живот даровав.
Небеса убо достойно да веселятся, земля же да радуется, да празднует же мир, видимый же весь и невидимый: Христос бо воста, веселие вечное.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Умерщвления предел сломила еси, вечную жизнь рождшая Христа, из гроба возсиявшаго днесь, Дево всенепорочная, и мир просветившаго.
Воскресшаго видевши Сына Твоего и Бога, радуйся со апостолы, Богоблагодатная Чистая: и еже радуйся первее, яко всех радости вина, восприяла еси, Богомати всенепорочная .
Катавасия (повторяем первый Ирмос):
Воскресения день, просветимся людие: Пасха, Господня Пасха! От смерти бо к жизни, и от земли к Небеси, Христос Бог нас преведе, победную поющия.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Песнь 3-я
Ирмос:
Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.
Братия:
Христос воскресе из мертвых, смертию смерть поправ, и сущим во гробех живот даровав.
Ныне вся исполнишася света, Небо же и земля и преисподняя: да празднует убо вся тварь востание Христово, в Немже утверждается.
Братия:
Христос воскресе из мертвых, смертию смерть поправ, и сущим во гробех живот даровав.
Вчера спогребохся Тебе, Христе, совостаю днесь воскресшу Тебе, сраспинахся Тебе вчера, Сам мя спрослави, Спасе, во Царствии Твоем.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
На нетленную жизнь прихожду днесь, благостию Рождшагося из Тебе, Чистая, и всем концем свет облиставшаго.
Бога, Егоже родила еси плотию, из мертвых, якоже рече, воставша видевши, Чистая, ликуй, и Сего яко Бога, Пречистая, возвеличай.
Катавасия (повторяем первый Ирмос):
Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Ипакои, глас 4:
Предварившия утро яже о Марии, и обретшия камень отвален от гроба, слышаху от ангела: во свете присносущнем Сущаго, с мертвыми что ищете, яко человека? Видите гробныя пелены, тецыте, и миру проповедите, яко воста Господь, умертвивый смерть, яко есть Сын Бога, спасающаго род чкловеческий.
Песнь 4-я.
Ирмос:
На божественней стражи, богоглаголивый Аввакум да станет с нами, и покажет светоносна ангела, ясно глаголюща: днесь спасение миру, яко воскресе Христос, яко всесилен.
Братия:
Христос воскресе из мертвых, смертию смерть поправ, и сущим во гробех живот даровав.
Мужеский убо пол, яко разверзый девственную утробу, явися Христос: яко человек же, Агнец наречеся: непорочен же, яко невкусен скверны, наша Пасха, и яко Бог истинен совершен речеся.
Братия:
Христос воскресе из мертвых, смертию смерть поправ, и сущим во гробех живот даровав.
Яко единолетный агнец, благословенный нам венец Христос, волею за всех заклан бысть, Пасха чистительная, и паки из гроба красное правды нам возсия Солнце.
Братия:
Христос воскресе из мертвых, смертию смерть поправ, и сущим во гробех живот даровав.
Богоотец убо Давид пред сенным ковчегом скакаше играя, людие же Божии святии, образов сбытие зряще, веселимся божественне, яко воскресе Христос, яко всесилен.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Создавый Адама, Твоего праотца, Чистая, зиждется от Тебе, и смертное жилище разори Своею смертию днесь, и озари вся божественными блистаньми воскресения.
Егоже родила еси Христа, прекрасно из мертвых возсиявша, Чистая, зрящи, добрая и непорочная в женах и красная, днесь во спасение всех, со апостолы радующися, Того прославляй.
Катавасия (повторяем первый Ирмос):
На божественней стражи, богоглаголивый Аввакум да станет с нами, и покажет светоносна ангела, ясно глаголюща: днесь спасение миру, яко воскресе Христос, яко всесилен.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Песнь 5-я.
Ирмос:
Утренюем утреннюю глубоку, и вместо мира песнь принесем Владыце, и Христа узрим, Правды Солнце, всем жизнь возсияюща.
Братия:
Христос воскресе из мертвых, смертию смерть поправ, и сущим во гробех живот даровав.
Безмерное Твое благоутробие, адовыми узами содержимии зряще, к свету идяху, Христе, веселыми ногами, Пасху хваляще вечную.
Братия:
Христос воскресе из мертвых, смертию смерть поправ, и сущим во гробех живот даровав.
Приступим, свещеноснии, исходящу Христу из гроба яко Жениху, и спразднуим любопразднственными чинми Пасху Божию спасительную.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Просвещается божественными лучами и живоносными воскресения Сына Твоего, Богомати Пречистая, и радости исполняется благочестивых собрание.
Не разверзл еси врата девства в воплощении, гроба не разрушил еси печатей, Царю создания, отонудуже воскресшаго Тя зрящи, Мати радовашеся.
Катавасия (повторяем первый Ирмос):
Утренюем утреннюю глубоку, и вместо мира песнь принесем Владыце, и Христа узрим, Правды Солнце, всем жизнь возсияюща.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Песнь 6-я.
Ирмос:
Снизшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от гроба.
Братия:
Христос воскресе из мертвых, смертию смерть поправ, и сущим во гробех живот даровав.
Сохранив цела знамения, Христе, воскресл еси от гроба, ключи Девы невредивый в рождестве Твоем, и отверзл еси нам райския двери.
Братия:
Христос воскресе из мертвых, смертию смерть поправ, и сущим во гробех живот даровав.
Спасе мой, живое же и нежертвенное заколение, яко Бог Сам Себе волею привед Отцу, совоскресил еси всероднаго Адама, воскрес от гроба.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Возведеся древле держимое смертию и тлением, Воплотившимся от Твоего пречистаго чрева, к нетленней и присносущней жизни, Богородице Дево.
Сниде в преисподняя земли, в ложесна Твоя, Чистая, Сшедый, и Вселивыйся и Воплотивыйся паче ума, и воздвиже с Собою Адама, воскрес от гроба.
Катавасия (повторяем первый Ирмос):
Снизшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от гроба.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Старший, чтец или братия: Кондак, глас 8:
Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.
Икос:
Еже прежде солнца, Солнце зашедшее иногда во гроб, предвариша ко утру, ищущия яко дне мироносицы девы, и друга ко друзей вопияху: о другини! приидите, вонями помажем тело живоносное и погребенное, плоть воскресившаго падшаго Адама, лежащую во гробе. Идем, потщимся якоже волсви и поклонимся, и принесем мира яко дары, не в пеленах, но в плащанице Обвитому, и плачим, и возопиим: о Владыко, востани, падшим подаяй воскресение.
Все поют:
Воскресение Христово видевше, поклонимся Святому Господу Иисусу, Единому безгрешному. Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость всему миру. Всегда благословяще Господа, поем воскресение Его: распятие бо претерпев, смертию смерть разруши.
(Трижды)
Воскрес Иисус от гроба, якоже прорече, даде нам живот вечный, и велию милость.
(Трижды)
Песнь 7-я.
Ирмос:
Отроки от пещи избавивый, быв человек, страждет яко смертен, и страстию смертное в нетления облачит благолепие, Един благословен отцев Бог, и препрославлен.
Братия:
Христос воскресе из мертвых, смертию смерть поправ, и сущим во гробех живот даровав.
Жены с миры богомудрыя в след Тебе течаху: Егоже яко мертва со слезами искаху, поклонишася радующияся Живому Богу, и Пасху тайную Твоим, Христе, учеником благовестиша.
Братия:
Христос воскресе из мертвых, смертию смерть поправ, и сущим во гробех живот даровав.
Смерти празднуем умерщвление, адово разрушение, иного жития вечнаго начало, и играюще поем виновнаго, Единаго благословеннаго отцев Бога и препрославленнаго.
Братия:
Христос воскресе из мертвых, смертию смерть поправ, и сущим во гробех живот даровав.
Яко воистинну священная и всепразднственная, сия спасительная нощь, и светозарная, светоноснаго дне, востания сущи провозвестница: в нейже безлетный Свет из гроба плотски всем возсия.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Умертвив Сын Твой смерть, Всенепорочная, днесь, всем смертным пребывающий живот во веки веков дарова, Един благословенный отцев Бог и препрославленный.
Всем царствуяй созданием, быв человек, вселися в Твою, Богоблагодатная, утробу, и распятие претерпев и смерть, воскресе боголепно, совозставив нас яко всесилен.
Катавасия (повторяем первый Ирмос):
Отроки от пещи избавивый, быв человек, страждет яко смертен, и страстию смертное в нетления облачит благолепие, Един благословен отцев Бог, и препрославлен.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Песнь 8-я.
Ирмос:
Сей нареченный и святый день, един суббот Царь и Господь, праздников праздник, и торжество есть торжеств: в оньже благословим Христа во веки.
Братия:
Христос воскресе из мертвых, смертию смерть поправ, и сущим во гробех живот даровав.
Приидите, новаго винограда рождения, божественнаго веселия, в нарочитом дни воскресения, Царствия Христова приобщимся, поюще Его яко Бога во веки.
Братия:
Христос воскресе из мертвых, смертию смерть поправ, и сущим во гробех живот даровав.
Возведи окрест очи твои, Сионе, и виждь: се бо приидоша к тебе, яко богосветлая светила, от запада, и севера, и моря, и востока чада твоя, в тебе благословящая Христа во веки.
Троичен:
Пресвятая Троице Боже наш, слава Тебе.
Отче Вседержителю, и Слове, и Душе, треми соединяемое во ипостасех естество, пресущественне и пребожественне, в Тя крестихомся, и Тя благословим во вся веки.
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Прииде Тобою в мир Господь, Дево Богородице, и чрево адово расторг, смертным нам воскресение дарова: темже благословим Его во веки.
Всю низложив смерти державу Сын Твой, Дево, Своим воскресением, яко Бог крепкий совознесе нас и обожи: темже воспеваем Его во веки.
Катавасия (повторяем первый Ирмос):
Сей нареченный и святый день, един суббот Царь и Господь, праздников праздник, и торжество есть торжеств: в оньже благословим Христа во веки.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Песнь 9-я.
1-й Припев:
Величит душа моя воскресшаго тридневно от гроба Христа Жизнодавца.
Ирмос:
Светися, светися, новый Иерусалиме: слава бо Господня на тебе возсия, ликуй ныне и веселися Сионе! Ты же Чистая красуйся Богородице, о возстании Рождества Твоего.
2-й Припев:
Величит душа моя волею страдавша, и погребена и воскресшаго тридневно от гроба.
Ирмос:
Светися, светися, новый Иерусалиме: слава бо Господня на тебе возсия, ликуй ныне и веселися Сионе! Ты же чистая красуйся Богородице, о возстании рождества Твоего.
3-й Припев:
Христос новая Пасха, Жертва живая, Агнец Божий, вземляй грехи мира.
Стих:
О божественнаго, о любезнаго, о сладчайшаго Твоего гласа! С нами бо неложно обещался еси быти до скончания века, Христе: Егоже вернии, утверждение надежды имуще, радуемся.
4-й Припев:
Ангел вопияше Благодатней: чистая Дево, радуйся, и паки реку, радуйся: Твой Сын воскресе тридневен от гроба, и мертвыя воздвигнувый, людие, веселитеся.
Стих:
О божественнаго, о любезнаго, о сладчайшаго Твоего гласа! С нами бо неложно обещался еси быти до скончания века, Христе: Егоже вернии, утверждение надежды имуще, радуемся.
5-й Припев:
Возбудил еси уснув мертвыя от века, царски рыкавый, яко от Иуды лев.
Братия:
Христос воскресе из мертвых, смертию смерть поправ, и сущим во гробех живот даровав.
6-й Припев:
Магдалина Мария притече ко гробу, и Христа видевши, яко вертоградаря вопрошаше.
Братия:
Христос воскресе из мертвых, смертию смерть поправ, и сущим во гробех живот даровав.
7-й Припев:
Ангел облистаяй женам вопияше: престаните от слез, яко Христос воскресе.
Стих:
О Пасха велия и священнейшая, Христе! О мудросте, и Слове Божий, и сило! Подавай нам истее Тебе причащатися, в невечернем дни Царствия Твоего.
8-й Припев:
Христос воскресе, смерть поправый, и мертвыя воздвигнувый, людие веселитеся.
Братия:
Христос воскресе из мертвых, смертию смерть поправ, и сущим во гробех живот даровав.
9-й Припев:
Днесь всяка тварь веселится и радуется, яко Христос воскресе и ад пленися.
Братия:
Христос воскресе из мертвых, смертию смерть поправ, и сущим во гробех живот даровав.
10-й Припев:
Днесь Владыка плени ада, воздвигнувый юзники, яже от века имяше люте одержимыя.
Братия:
Христос воскресе из мертвых, смертию смерть поправ, и сущим во гробех живот даровав.
11-й Припев:
Величит душа моя Триипостаснаго и нераздельнаго Божества державу.
Братия:
Христос воскресе из мертвых, смертию смерть поправ, и сущим во гробех живот даровав.
12-й Припев:
Радуйся, Дево, радуйся, радуйся, Благословенная, радуйся Препрославленная: Твой бо Сын воскресе тридневен от гроба.
Братия:
Христос воскресе из мертвых, смертию смерть поправ, и сущим во гробех живот даровав.
Повторение 1-го Припева:
Величит душа моя воскресшаго тридневно от гроба Христа Жизнодавца.
1-е Повторение Ирмоса:
Светися, светися, новый Иерусалиме: слава бо Господня на тебе возсия, ликуй ныне и веселися Сионе! Ты же чистая красуйся Богородице, о возстании рождества Твоего.
Повторение 2-го Припева:
Величит душа моя волею страдавша, и погребена и воскресшаго тридневно от гроба.
2-е повторение Ирмоса:
Светися, светися, новый Иерусалиме: слава бо Господня на тебе возсия, ликуй ныне и веселися Сионе! Ты же чистая красуйся Богородице, о возстании рождества Твоего.
3-е повторение Ирмоса:
Светися, светися, новый Иерусалиме: слава бо Господня на тебе возсия, ликуй ныне и веселися Сионе! Ты же чистая красуйся Богородице, о возстании рождества Твоего.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Богородичны (в первый день Пасхи не поются, а поются со второго дня святой Пасхи и до дня отдания в среду перед Вознесением):
Согласно, Дево, Тебе блажим вернии: радуйся, двере Господня, радуйся граде одушевленный; радуйся, Еяже ради нам ныне возсия свет из Тебе Рожденнаго из мертвых воскресения.
Веселися и радуйся, божественная двере Света: зашедый бо Иисус во гроб, возсия, просияв солнца светлее, и верныя вся озарив, богорадованная Владычице.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший может кадить мирянским кадилом и возглашает:
Христос воскресе!
на что братия отвечают всякий раз:
Воистину воскресе!
(Трижды):
Ексапостиларий, самогласен
Плотию уснув, яко мертв, Царю и Господи, тридневен воскресл еси, Адама воздвиг от тли, и упразднив смерть: Пасха нетления, мира спасение.
(Трижды)
Братия поет:
В
сякое дыхание да хвалит Господа. Хвалите Господа с небес, хвалите Его в вышних. Тебе подобает песнь Богу. Хвалите Его вси ангели Его, хвалите Его вся силы Его.
Тебе подобает песнь Богу.
Чтец:
Хвалите Его солнце и луна: хвалите Его вся звезды и свет. Хвалите Его небеса небес, и вода яже превыше небес, да восхвалят имя Господне. Яко Той рече, и быша: Той повеле, и создашася. Постави я в век, и в век века: повеление положи, и не мимо идет. Хвалите Господа от земли змиеве, и вся бездны: огнь, град, снег, голоть, дух бурен, творящая слово Его: горы и вси холми, древа плодоносна, и вси кедри: зверие и вси скоти, гади и птицы пернаты: царие земстии, и вси людие, князи и вси судии земстии: юноши и девы, старцы с юнотами да восхвалят имя Господне: яко вознесеся имя Того Единаго. Исповедание Его на земли, и на небеси, и вознесет рог людей Своих. Песнь всем преподобным Его, сыновом Израилевым, людем приближающымся Ему.
Воспойте Господеви песнь нову, хваление Его в церкви преподобных. Да возвеселится Израиль о Сотворшем его, и сынове Сиони возрадуются о Цари своем: Да восхвалят имя Его в лице, в тимпане и псалтири да поют Ему. Яко благоволит Господь в людех Своих, и вознесет кроткия во спасение. Восхвалятся преподобнии во славе, и возрадуются на ложах своих. Возношения Божия в гортани их, и мечи обоюдуостры в руках их: сотворити отмщение во языцех, обличения в людех: связати цари их путы, и славныя их ручными оковы железными.
Чтец:
Сотворити в них суд написан: слава сия будет всем преподобным Его. Хвалите Бога во святых Его, хвалите Его во утвержении силы Его.
Стих:
Хвалите его на силах Его, хвалите Его по множеству величествия Его.
Поем Твою Христе спасительную страсть, и славим Твое воскресение.
Стих:
Хвалите Его во гласе трубнем, хвалите Его во псалтири и гуслех.
Крест претерпевый, и смерть упразднивый, и воскресый из мертвых, умири нашу жизнь Господи, яко един всесилен.
Стих:
Хвалите Его в тимпане и лице, хвалите Его во струнах и органе.
Ада пленивый, и человека воскресивый, воскресением твоим Христе, сподоби ны чистым сердцем, Тебе пети и славити.
Стих:
Хвалите Его в кимвалех доброгласных, хвалите Его в кимвалех восклицания, всякое дыхание да хвалит Господа.
Боголепное Твое снизхождение славяще, поем Тя Христе: родился от Девы, и неразлучен был еси от Отца: пострадал еси яко человек, и волею претерпел еси крест, воскресл еси от гроба яко от чертога произшед, да спасеши мiр, Господи слава Тебе.
Стихиры Пасхи
Все вместе поют стихиры Пасхи. Глас 5-й.
Стих:
Да воскреснет Бог, и расточатся врази Его.
Пасха священная нам днесь показася: Пасха нова святая: Пасха таинственная: Пасха всечестная: Пасха Христос Избавитель: Пасха непорочная: Пасха великая: Пасха верных: Пасха двери райския нам отверзающая: Пасха всех освящающая верных.
Стих:
Яко исчезает дым, да исчезнут.
Приидите от видения жены благовестницы, и Сиону рцыте: приими от нас радости благовещения, воскресения Христова: красуйся, ликуй, и радуйся Иерусалиме, Царя Христа узрев из гроба, яко Жениха происходяща.
Стих:
Тако да погибнут грешницы от лица Божия, а праведницы да возвеселятся.
Мироносицы жены, утру глубоку, представша гробу Живодавца, обретоша ангела на камени седяща, и той провещав им сице глаголаше: что ищите живаго с мертвыми; что плачите нетленного во тли; шедше проповедайте учеником Его.
Стих:
Сей день, егоже сотвори Господь, возрадуемся и возвеселимся вонь.
Пасха красная, Пасха, Господня Пасха, Пасха всечестная нам возсия. Пасха, радостию друг друга об’имем. О Пасха! Избавление скорби, ибо из гроба днесь яко от чертога возсияв Христос, жены радостию исполни глаголя: проповедите апостолом.
Слава Отцу и Сыну и Святому Духу, и ныне и присно и во веки веков. Аминь: глас 5-й:
Воскресения день, и просветимся торжеством, и друг друга об’имем. Рцем братие, и ненавидящим нас, простим вся воскресением, и тако возопиим:
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
После этого поется сей тропарь еще много раз, пока братия целуют друг друга, начиная с старшего брата.
При этом старший восклицает:
Христос воскресе!
На что подходящий к целованию брат или сестра отвечают:
Воистину воскресе.
После целования читается огласительное слово Иоанна Златоуста:
Слово огласительно иже во святых отца нашего ИОАННА, архиепископа Константинопольскаго, Златоустаго, во святый и светоносный день преславнаго и спасительнаго Христа Бога нашего Воскресения
Аще кто благочестив и боголюбив, да насладится сего добраго и светлаго торжества. Аще кто раб благоразумный, да внидет, радуяся, в радость Господа своего. Аще кто потрудися постяся, да восприимет ныне динарий. Аще кто от перваго часа делал есть, да приимет днесь праведный долг. Аще кто по третием часе прииде, благодаря да празднует. Аще кто по шестом часе достиже, ничтоже да сумнится, ибо ничимже отщетевается. Аще кто лишися и девятаго часа, да приступит, ничтоже сумняся, ничтоже бояся. Аще кто точию достиже и во единонадесятый час, да не устрашится замедления: любочестив бо Сый Владыка, приемлет последняго якоже и перваго: упокоевает в единонадесятый час пришедшаго, якоже делавшаго от перваго часа. И последняго милует, и первому угождает, и оному дает, и сему дарствует, и дела приемлет, и намерение целует, и деяние почитает, и предложение хвалит.
Темже убо внидите вси в радость Господа своего: и первии и втории, мзду приимите. Богатии и убозии, друг со другом ликуйте. Воздержницы и ленивии, день почтите. Постившиися и непостившиися, возвеселитеся днесь. Трапеза исполнена, насладитеся вси. Телец упитанный, никтоже да изыдет алчай, вси насладитеся пира веры: вси восприимите богатство благости.
Никтоже да рыдает убожества, явися бо общее Царство. Никтоже да плачет прегрешений, прощение бо от гроба возсия. Никтоже да убоится смерти, свободи бо нас Спасова смерть. Угаси ю, Иже от нея держимый, плени ада, Сошедый во ад. Огорчи его вкусивша плоти Его. И сие предприемый Исаиа возопи: ад, глаголет, огорчися, срет Тя доле: огорчися, ибо упразднися: огорчися, ибо поруган бысть: огорчися, ибо умертвися: огорчися, ибо низложися: огорчися, ибо связася. Прият тело, и Богу приразися: прият землю, и срете небо: прият еже видяше, и впаде во еже не видяше. Где твое, смерте, жало? Где твоя, аде, победа? Воскресе Христос, и ты низверглся еси. Воскресе Христос, и падоша демони. Воскресе Христос, и радуются Ангели. Воскресе Христос, и жизнь жительствует. Воскресе Христос, и мертвый ни един во гробе. Христос бо, востав от мертвых, Начаток усопших бысть. Тому слава и держава во веки веков.
Аминь.
Также читаем тропарь святого. Глас 8-й:
Уст твоих якоже светлость огня возсиявши благодать, вселенную просвети: не сребролюбия мiрови сокровища сниска, высоту нам смиреномудрия показа, но твоими словесы наказуя, отче Иоанне Златоусте, моли Христа Бога, спастися душам нашим.
Братия:
Христос воскресе из мертвых, смертию смерть поправ, и сущим во гробех живот даровав.
(6 раз)
Старший:
Премудрость.
Братия:
Благослови.
Старший поет:
Христос воскресе из мертвых, смертию смерть поправ.
Братия:
И сущим во гробех живот даровав.
И старший говорит отпуст:
Христос воскресый из мертвых, смертию смерть поправый, и сущим во гробех живот даровавый, истинный Бог наш, молитвами Пречистыя Своея Матери, святого апостола Иоанна Богослова и всех святых, помилует и спасет нас, яко благ и человеколюбец.
Осеняя всех Крестом старший восклицает:
Христос воскресе!
Братия:
Воистину воскресе.
(Трижды)
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Братия:
И нам дарова живот вечный, покланяемся Его тридневному воскресению.
Часы Святой Пасхи и всей Светлой седмицы
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Братия:
Воскресение Христово видевше, поклонимся святому Господу Иисусу, Единому безгрешному. Кресту Твоему покланяемся, Христе, и святое воскресение Твое поем и славим: Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову воскресению: се бо прииде Крестом радость всему миру. Всегда благословяще Господа, поем воскресение Его: распятие бо претерпев, смертию смерть разруши.
(Трижды)
Старший:
Предварившия утро яже о Марии, и обретшия камень отвален от гроба, слышаху от ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.
Старший:
Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.
Старший:
Во гробе плотски, во аде же с душею яко Бог, в раи же с разбойником, и на престоле был еси, Христе, со Отцем и Духом, вся исполняяй, Неописанный.
Старший:
Слава Отцу и Сыну и Святому Духу
Братия:
Яко живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего воскресения.
Старший:
И ныне и присно, и во веки веков.
Братия:
Вышняго освященное Божественное селение, радуйся: Тобою бо дадеся радость, Богородице, зовущим: благословенна Ты в женах еси, всенепорочная Владычице.
Братия:
Господи, помилуй.
(40 раз)
Старший:
Слава Отцу и Сыну и Святому Духу, и ныне и присно, и во веки веков
Братия:
Аминь.
Братия:
Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.
Старший:
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас.
Братия:
Аминь.
Пасхальная обедница
Старший:
Молитвами святых отец наших, Господи Иисусе Христе, помилуй нас.
Братия:
Аминь.
И старший поет (Трижды):
Христос воскресе из мертвых, смертию смерть поправ, и сущим во гробех живот даровав.
Братия повторяют:
Христос воскресе из мертвых, смертию смерть поправ, и сущим во гробех живот даровав.
(Трижды)
Старший:
Да воскреснет Бог и расточатся врази Его: и да бежат от лица Его ненавидящии Его.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Яко исчезает дым да исчезнут, яко тает воск от лица огня.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Тако да погибнут грешницы от лица Божия, а праведницы да возвеселятся.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Сей день, егоже сотвори Господь, возрадуемся и возвеселимся вонь.
Братия:
Христос воскресе из мертвых, смертию смерть поправ, и сущим во гробех живот даровав.
Старший:
Слава Отцу и Сыну и Святому Духу
Братия:
Христос воскресе из мертвых, смертию смерть поправ, и сущим во гробех живот даровав.
Старший:
И ныне и присно и во веки веков. Аминь.
Братия:
Христос воскресе из мертвых, смертию смерть поправ, и сущим во гробех живот даровав.
Старший поет высшим гласом:
Христос воскресе из мертвых, смертию смерть поправ.
Братия:
И сущим во гробех живот даровав.
Братия:
Господи помилуй. (12 раз) – вместо Великой Ектении
Старший:
Слава Отцу и Сыну и Святому Духу, и ныне и присно и во веки веков.
Братия:
Аминь.
Антифоны Пасхи
Стихи читает старший
Припев поет братия
Антифон 1-й, псалом 65, глас 2-й.
Стих 1-й:
Воскликните Господеви вся земля.
Припев:
Молитвами Богородицы, Спасе спаси нас.
Стих:
Воскликните Господеви вся земля, пойте же имени Его, дадите славу хвале Его.
Припев:
Молитвами Богородицы, Спасе спаси нас.
Стих 2-й:
Рците Богу: коль страшна дела Твоя, во множестве силы Твоея солжут Тебе врази Твои.
Припев:
Молитвами Богородицы, Спасе спаси нас.
Стих 3-й:
Вся земля да поклонится Тебе, и поет Тебе, да поет же имени Твоему вышний.
Припев:
Молитвами Богородицы, Спасе, спаси нас.
Слава Отцу и Сыну и Святому Духу, и ныне и присно и во веки веков, аминь:
Молитвами Богородицы, Спасе спаси нас.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды) – вместо малой ектиньи
Антифон 2-й, псалом 66-й, глас 2-й:
Стих 1-й:
Боже ущедри ны и благослови ны.
Припев:
Спаси ны Сыне Божий, воскресый из мертвых, поющия Ти: аллилуиа (один раз).
Стих:
Боже, ущедри ны, и благослови ны, просвети лице Твое на ны, и помилуй ны.
Припев:
Спаси ны Сыне Божий, воскресый из мертвых, поющия Ти: аллилуиа.
Стих 2-й:
Да познаем на земли путь Твой, во всех языцех спасение Твое.
Припев:
Спаси ны, Сыне Божий, воскресый из мертвых, поющия Ти: аллилуиа.
Стих 3-й:
Да исповедятся Тебе людие Боже, да исповедятся Тебе людие вси.
Припев:
Спаси ны, Сыне Божий, воскресый из мертвых, поющия Ти: аллилуиа.
Слава Отцу и Сыну и Святому Духу, и ныне и присно и во веки веков, аминь.
Единородный Сыне, и Слове Божий, безсмертен Сый, и изволивый спасения нашего ради воплотиться от святыя Богородицы и Приснодевы Марии, непреложно вочеловечивыйся, распныйся же Христе Боже, смертию смерть поправ, Един сый Святыя Троицы, спрославляемый Отцу и Святому Духу, спаси нас.
Братия:
Христос воскресе из мертвых, смертию смерть поправ, и сущим во гробех живот даровав.
(Трижды)
Антифон 3-й, псалом 67, глас 5-й.
Стих 1-й:
Да воскреснет Бог, и расточатся врази Его.
Братия:
Христос воскресе из мертвых, смертию смерть поправ, и сущим во гробех живот даровав.
Стих:
Да воскреснет Бог, и расточатся врази Его, и да бежат от лица Его ненавидящии Его.
Братия:
Христос воскресе из мертвых, смертию смерть поправ, и сущим во гробех живот даровав.
Стих 2-й:
Яко исчезает дым, да исчезнут, яко тает воск от лица огня.
Братия:
Христос воскресе из мертвых, смертию смерть поправ, и сущим во гробех живот даровав.
Стих 3-й:
Тако да погибнут грешницы от лица Божия, а праведницы да возвеселятся, да возрадуются пред Богом.
Братия:
Христос воскресе из мертвых, смертию смерть поправ, и сущим во гробех живот даровав.
Старший восклицает входное:
В церквах благословите Бога, Господа от источников израилевых.
Братия:
Христос воскресе из мертвых, смертию смерть поправ, и сущим во гробех живот даровав.
Ипакои:
Предварившия утро яже о Марии, и обретшия камень отвален от гроба, слышаху от ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.
Слава Отцу и Сыну и Святому Духу, и ныне и присно и во веки веков, аминь.
Кондак:
Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.
Елицы во Христа крестистеся, во Христа облекостеся, аллилуиа.
(Трижды)
Повторяем:
Елицы во Христа крестистеся.
Завершаем:
Во Христа облекостеся, аллилуиа.
Повторяем полностью:
Елицы во Христа крестистеся, во Христа облекостеся, аллилуиа.
Старший: Прокимен, глас 8-й:
Сей день егоже сотвори, Господь, возрадуемся и возвеселимся вонь.
Братия поют:
Сей день егоже сотвори, Господь, возрадуемся и возвеселимся вонь.
Старший (читает стих):
Исповедайтеся Господеви, яко благ, яко в век милость Его.
Братия:
Сей день егоже сотвори, Господь, возрадуемся и возвеселимся вонь.
Старший:
Сей день егоже сотвори, Господь.
Братия:
Возрадуемся и возвеселимся вонь.
Старший:
Деяний святых апостол чтение.
И читает зачало 1-е:
Первое убо слово сотворих о всех, о, Феофиле, яже начат Иисус творити же и учити
Даже до дне, в оньже, заповедав Апостолом Духом Святым, ихже избра, вознесеся:
Пред нимиже и постави Себе жива по страдании Своем во мнозех истинных знамениих, денми четыредесятьми являяся им и глаголя яже о Царствии Божии:
С нимиже и ядый повеле им от Иерусалима не отлучатися, но ждати обетования Отча, еже слышасте от Мене:
Яко Иоанн убо крестил есть водою, вы же имате креститися Духом Святым не по мнозех сих днех.
Они же убо сошедшеся вопрошаху Его, глаголюще: Господи, аще в лето сие устрояеши царствие Израилево?
Рече же к ним: несть ваше разумети времена и лета, яже Отец положи во Своей власти:
Но приимете силу, нашедшу Святому Духу на вы, и будете Ми свидетелие во Иерусалиме же и во всей Иудеи и Самарии и даже до последних земли.
Старший:
Аллилуиа, глас 4-й.
Братия поют:
Аллилуиа.
(Трижды)
Старший (читает стих):
Ты воскрес ущедриши Сиона.
Братия:
Аллилуиа.
(Трижды)
Старший (читает стих):
Господь с небесе на землю призре.
Братия:
Аллилуиа.
(Трижды)
Старший:
От Иоанна святаго Евангелия чтение.
Братия:
Слава Тебе Боже наш, слава Тебе.
Старший читает лицом к востоку:
В начале бе Слово, и Слово бе к Богу, и Бог бе Слово.
Сей бе искони к Богу:
Вся Тем быша, и без Него ничтоже бысть, еже бысть.
В Том живот бе, и живот бе свет человеком:
И свет во тме светится, и тма его не объят.
Бысть человек послан от Бога, имя ему Иоанн:
Сей прииде во свидетелство, да свидетелствует о Свете, да вси веру имут ему.
Не бе той свет, но да свидетелствует о Свете:
Бе Свет истинный, Иже просвещает всякаго человека грядущаго в мир:
В мире бе, и мир Тем бысть, и мир Его не позна:
Во своя прииде, и свои Его не прияша.
Елицы же прияша Его, даде им область чадом Божиим быти, верующим во имя Его,
Иже не от крове, ни от похоти плотския, ни от похоти мужеския, но от Бога родишася.
И Слово плоть бысть и вселися в ны, и видехом славу Его, славу яко Единороднаго от Отца, исполнь благодати и истины.
Иоанн свидетелствует о Нем и воззва глагола: Сей бе, Егоже рех, Иже по мне Грядый, предо мною бысть, яко первее мене бе.
И от исполнения Его мы вси прияхом и благодать воз благодать:
Яко закон Моисеом дан бысть, благодать (же) и истина Иисус Христом бысть.
Братия:
Слава Тебе Боже наш, слава Тебе.
Братия:
Слава Тебе, Господи, слава Тебе. -поклон-
Братия:
Господи, помилуй.
(40 раз) – читается вместо сугубой ектеньи
Старший:
Слава Отцу и Сыну и Святому Духу. И ныне и присно и во веки веков.
Братия:
Аминь.
Старший:
H
енавидящих и обидящих нас пpости, Господи Человеколюбче. Благотвоpящим благосотвоpи. Бpатиям и сpодником нашим даpyй яже ко спасению пpошения и жизнь вечнyю. В немощех сyщия (имена) посети и исцеление даpyй. Яже в моpи yпpави. Пyтешествyющим (имена) спyтешествyй. Слyжащим и милyющим нас гpехов оставление даpyй. Заповедовавших нам недостойным молитися о них (имена) помилyй по велицей Твоей милости. Помяни, Господи, бpатий наших плененных и избави я от всякого обстояния. Помяни, Господи, плодоносящих и добpоделающих во святых Твоих цеpквах, и даждь им яже ко спасению пpошения и жизнь вечнyю.
Помяни, Господи, и нас, смиpенных и гpешных и недостойных pаб Твоих, и пpосвети наш yм светом pазyма Твоего, и настави нас на стезю заповедей Твоих, молитвами Пpечистыя Владычицы нашея Богоpодицы и Пpиснодевы Маpии и всех Твоих святых: яко благословен еси во веки веков.
Братия:
Аминь.
Братия:
Помяни нас, Господи, егда приидеши во Царствии Твоем. -поклон-
Помяни нас, Владыко, егда приидеши во Царствии Твоем. -поклон-
Помяни нас, Святый, егда приидеши во Царствии Твоем. -поклон-
Старший:
Лик небесный поет Тя и глаголет: Свят, Свят, Свят Господь Саваоф, исполнь небо и земля славы Твоея. Приступите к Нему и просветитеся, и лица ваша не постыдятся. Лик небесный поет Тя и глаголет: Свят, Свят, Свят Господь Саваоф, исполнь небо и земля славы Твоея.
Старший:
Слава Отцу и Сыну и Святому Духу.
Старший:
Лик святых Ангел и Архангел со всеми небесными силами поет Тя и глаголет: Свят, Свят, Свят Господь Саваоф, исполнь небо и земля славы Твоея.
Старший:
И ныне и присно и во веки веков.
Братия:
Аминь.
Братия:
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца Рожденнаго прежде всех век; Света от Света, Бога Истинна от Бога Истинна, рожденна, несотворенна, Единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша и погребенна. И воскресшаго в третий день по Писанием, и возшедшаго на небеса и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, Глаголавшего пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Старший:
Ослаби, остави, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Братия:
Отче наш, Иже еси на небесах! Да святитится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избавь нас от лукавого.
Старший:
Господи, Иисусе Христе, Сыне Божий, помилуй нас.
Братия:
Аминь.
Также кондак:
Аще и во гроб снизшел еси, Безсмертне, но адову разрушил еси силу, и воскресл еси яко победитель, Христе Боже, женам мироносицам вещавый: радуйтеся, и Твоим апостолом мир даруяй, падшим подаяй воскресение.
Братия:
Господи, помилуй.
(12 раз) – читается вместо просительной ектеньи
Старший:
Слава Отцу и Сыну и Святому Духу. И ныне и присно и во веки веков.
Братия:
Аминь.
Старший:
Всесвятая Троице, Единосущная Державо, Нераздельное Царство, всех благих Вина, благоволи же и о мне грешнем, утверди, вразуми сердце мое, и всю мою отыми скверну, просвети мою мысль, да выну славлю, пою, покланяюся и глаголю: Един Свят, Един Господь, Иисус Христос, во славу Бога Отца.
Братия:
Аминь.
Старший:
Верую, Господи, и исповедую, яко Ты еси воистину Христос, Сын Бога Живаго, пришедый в мир грешныя спасти, от них же первый есмь аз. Еще верую, яко Сие есть самое Пречистое Тело Твое, и Сия самая есть Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов и в Жизнь Вечную.
Братия:
Аминь.
Старший:
Вечери Твоея Тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.
Братия:
Аминь.
Старший причащается сам и после этого причащает мирян запасными Святыми Дарами.
Причащая, старший говорит:
Причащается раб Божий (имя) Честнаго и Святаго Тела и Крове Господа и Бога и Спаса нашего Иисуса Христа, во оставление грехов своих и в Жизнь Вечную. Аминь.
Братия (во время причащения):
Тело Христово приимите, Источника безсмертнаго вкусите.
После причащения поем:
Братия:
Христос воскресе из мертвых, смертию смерть поправ, и сущим во гробех живот даровав.
(12 раз)
Старший:
Слава Отцу и Сыну и Святому Духу. И ныне и присно и во веки веков.
Братия:
Аминь.
И старший говорит отпуст:
Христос воскресый из мертвых, смертию смерть поправый, и сущим во гробех живот даровавый, истинный Бог наш, молитвами Пречистыя Своея Матери, святого апостола Иоанна Богослова и всех святых, помилует и спасет нас, яко благ и человеколюбец.
Осеняя всех Крестом старший восклицает:
Христос воскресе!
Мы же отвечаем:
Воистину воскресе.
(Трижды)
Также поем конечное:
Христос воскресе из мертвых, смертию смерть поправ, и сущим во гробех живот даровав.
(Трижды)
И заканчиваем:
И нам дарова живот вечный, покланяемся Его тридневному воскресению.
Ещё читать:
